ഈ സാമൂഹ്യശല്യങ്ങളെ പിടിച്ചുകെട്ടുക , അല്ലെങ്കിൽ ജയിലറകൾ വിദ്യാർത്ഥികളാൽ നിറയും. അലീഗഢ് യൂണിയൻ പ്രസിഡന്റ് പറയുന്നു

” ഹിന്ദു യുവ വാഹിനി സംഘം അലീഗഢ് കാമ്പസിൽ വന്നു വിദ്യാർഥിസമൂഹത്തോടു ചെയ്‌തത്‌ ഭീകരതയാണ്. ആയുധങ്ങൾ കൊണ്ട് വിദ്യാർത്ഥികളെ ആക്രമിച്ചു കാമ്പസിൽ ഭയത്തിന്റെ അന്തരീക്ഷം സൃഷ്ടിക്കാൻ ശ്രമിക്കുകയായിരുന്നു അവർ. ആ അക്രമി സംഘത്തിന് എസ്‌കോർട് കൊടുക്കുകയും കൈകെട്ടി നോക്കിനിൽക്കുകയുമായിരുന്നു ഉത്തർപ്രദേശ് പോലീസ്. രാജ്യത്തിന്റെ മുൻ വൈസ്‌പ്രസിഡന്റ്‌ ഹാമിദ് അൻസാരി കാമ്പസിൽ വരുന്ന ദിവസം ഈ ഗുണ്ടായിസം ചെയ്‌തവർ അദ്ദേഹത്തെ കൂടിയാണ് അപമാനിച്ചത്. അധികാരികളോട് ഈ അക്രമികസംഘത്തെ പിടിച്ചുകെട്ടാൻ വിദ്യാർത്ഥിയൂണിയൻ ആവശ്യപ്പെടുകയാണ്. അല്ലാത്തപക്ഷം വിദ്യാർഥിസമൂഹം ജയിലുകളിൽ നിറയും . ”

അലീഗഢ് മുസ്‌ലിം സർവകലാശാലയിൽ സംഘ് പരിവാർ ഭീകരസംഘവും പോലീസും ചേർന്ന് നടത്തിയ വിദ്യാർഥിവേട്ടയോടു പ്രതികരിച്ചു വിദ്യാർത്ഥി യൂണിയൻ പ്രസിഡന്റ് മഷ്ക്കൂർ അഹമ്മദ് പറഞ്ഞ വാക്കുകൾ. ഹിന്ദു യുവ വാഹിനി സംഘത്തിന്റെ ആക്രമണത്തിൽ മഷ്ക്കൂറിനും പരിക്കുകൾ പറ്റിയിരുന്നു.

മു​ഹ​മ്മ​ദ​ലി ജി​ന്ന​യു​ടെ ചി​ത്രം നീ​ക്ക​ണ​മെ​ന്നാ​വ​ശ്യ​പ്പെ​ട്ട്​​ അ​ലീ​ഗ​ഢ്​ മു​സ്​​ലിം സ​ർ​വ​ക​ലാ​ശാ​ല​യി​ൽ യു.​പി മുഖ്യമന്ത്രി യോഗി ആദിത്യ നാഥിന്റെ സംഘടനയായ ഹിന്ദു യുവ വാഹിനി പ്രവർത്തകർ അക്രമം അഴിച്ചുവിടുകയായിരുന്നു. ഹാമിദ് അൻസാരിയുടെ കാമ്പസ് സന്ദർശനം അലങ്കോലപ്പെടുത്തുക കൂടിയായിരുന്നു ഉദ്ദേശ്യം. ജി​ന്ന​യു​ടെ ചി​ത്രം നീ​ക്കം​ചെ​യ്യു​​മെ​ന്ന്​ പ​റ​ഞ്ഞ്​ ജ​യ്​ ശ്രീ​റാം വി​ളി​ക​ളു​മാ​യി പ്രവർത്തകർ കാമ്പസിലേക്ക് നടത്തിയ മാർച്ച് വിദ്യാർഥികൾ തടയുകയായിരുന്നു. തുടർന്ന് യുവ വാഹിനി സംഘം വിദ്യാർത്ഥികൾക്കെതിരെ ആയുധങ്ങൾ ഉപയോഗിച്ച് അക്രമം തുടങ്ങി. ഹി​ന്ദു​ത്വ പ്ര​വ​ർ​ത്ത​ക​രെ പോലീസ് ​ നീ​ക്കം​ചെ​യ്​​തെ​ങ്കി​ലും കാ​മ്പ​സി​​ൽ​ അ​തി​ക്ര​മി​ച്ചു​ ക​യ​റി​യ​തി​നെ​തി​രെ കേ​സെ​ടു​ക്കാ​ൻ തയ്യാറായില്ല. ഇതിനെതിരെ വിദ്യാർത്ഥി യൂണിയന്റെ നേതൃത്വത്തിൽ വിദ്യാർഥികൾ പ്രതികരിച്ചപ്പോൾ
പൊ​ലീ​സ്​ ലാ​ത്തി​ച്ചാ​ർ​ജ്​ ന​ട​ത്തു​ക​യും ക​ണ്ണീ​ർ​വാ​ത​കം പ്ര​യോ​ഗി​ക്കു​ക​യും ചെ​യ്​​തു.

അ​തേ​സ​മ​യം, മു​ഹ​മ്മ​ദ​ലി ജി​ന്ന അ​ലീ​ഗ​ഢ്​ സ​ർ​വ​ക​ലാ​ശാ​ല സ്​​ഥാ​പി​ത അം​ഗ​മാ​ണെ​ന്ന്​ സ​ർ​വ​ക​ലാ​ശാ​ല അറിയിച്ചു. ഇ​ന്ത്യ വി​ഭ​ജ​ന​ത്തി​നു മു​മ്പു​ത​ന്നെ അ​ദ്ദേ​ഹ​ത്തി​ന്​ സ​ർ​വ​ക​ലാ​ശാ​ല ആ​ജീ​വ​നാ​ന്ത അം​ഗ​ത്വം നൽകിയിരുന്നു. കൂ​ടാ​തെ, ഗാ​ന്ധി, സ​രോ​ജി​നി നായിഡു , നെഹ്‌റു തു​ട​ങ്ങി​യ നി​ര​വ​ധി പേ​ർ​ക്ക്​ ആ​ജീ​വ​നാ​ന്ത അം​ഗ​ത്വം ന​ൽ​കി​യി​ട്ടു​ണ്ട്. അ​വ​രു​ടെ ചി​ത്ര​ങ്ങ​ളെ​ല്ലാം കാ​മ്പ​സി​ലു​ണ്ടെ​ന്നും ​ ​വൈ​സ്​ ചാ​ൻ​സ​ല​റു​ടെ വക്താവ് അറിയിച്ചു.

അലീഗഢ് വിദ്യാർത്ഥികൾക്ക് ഐക്യദാർഢ്യം പ്രഖ്യാപിച്ചു ജാമിഅ മില്ലിയ ഇസ്‌ലാമിയയിൽ നൂറുകണക്കിന് വിദ്യാർഥികൾ പങ്കെടുത്ത പ്രതിഷേധറാലി സംഘടിപ്പിച്ചു. രാജ്യത്തെ മറ്റു കലാലയങ്ങളിലും സമാന പരിപാടികൾ നടന്നു.

Be the first to comment on "ഈ സാമൂഹ്യശല്യങ്ങളെ പിടിച്ചുകെട്ടുക , അല്ലെങ്കിൽ ജയിലറകൾ വിദ്യാർത്ഥികളാൽ നിറയും. അലീഗഢ് യൂണിയൻ പ്രസിഡന്റ് പറയുന്നു"

Leave a comment

Your email address will not be published.


*