ദൂരദേശങ്ങളിലുള്ള ദളിത്ആദിവാസി വിദ്യാര്‍ത്ഥികള്‍ക്ക് ഉപരിപഠനത്തിന് സഹായം നല്‍കുന്ന ചെറിയ പദ്ധതികള്‍ക്ക് രൂപം നല്‍കി, കഴിഞ്ഞ രണ്ടു വര്‍ഷമായി ദയാപുരം പ്രവര്‍ത്തിക്കുന്നുണ്ട്. (ദളിത്ആദിവാസി പ്രവര്‍ത്തകരുടെ പിന്തുണ നമുക്ക് കിട്ടുന്നുമുണ്ട്) അതില്‍ പ്രവര്‍ത്തിക്കാന്‍ ദയാപുരത്തുകാര്‍ മുന്നോട്ട് വരണം. പി.എസ്.സി പരിശീലനംപോലെയുള്ള സ്ഥിരം മാര്‍ഗ്ഗങ്ങള്‍ വിട്ട് ആദിവാസി കുട്ടികളുടെ കഴിവിന് പ്രകാശനം കിട്ടുന്നതും അവരുടെ പ്രകൃതിയുമായി ചേര്‍ന്നുനില്‍ക്കുന്നതുമായ ഇനങ്ങളെക്കുറിച്ചും നാം ചിന്തിക്കണം.